Wo aaye to magar.....

Wo aaye to magar ehsaan jatate the,
Dil kuch barhum sa tha, na jaane kya chupate the.

Shayad kuch majboorian rahi hongi,
Mujh tak badte qadam yaq-b-yaq ruk jaate the.

Hum bhi ajeeb deewane ho gaye the,
Ik  bewafa se wafa ki ummed kiye jaate the.

Aaj dil sawaal karta hai deewangi se kya mila,
Hum sochte hain kyun taqdeer se ulajh-te jaate the.

Apni deewangi ki ab kya misaal dein,
Gulon ke bagh mein hum khaar se dil lagaate the.

Guzre dino mein yahi kahenge “Aamir”,
Tum apni taqsiraat ki saza paate the.